Gazte Peñaren 5. Urteurrena

3indarrok — Tue, 14 Jul 2009 15:29:50 +0000

Gazte peñak 5 urte bete ditu, eta ospatzeko, Iruindarrok Gazte Peñaren bazkariarako tarta bat izan genuen peñakide guztiontzako!

Argazki guztiak ikusteko hemen sakatu :: Pincha aqui para ver todas las fotos

Aurtengo bazkariak 10€ balio izan zuen eta 15€ bertan erosi ezkero, jendea txartelak lehenagotik erostera animatzeko, gainera aurtengo bazkaria “ekintza antifaxista iruñerria“ko lagunek prestatu ziguten, barazkijaleentzako janaria ere zegoelarik.

Beste argazkiak ikusi nahi baldin baduzue hemen sakatu :: Pincha aqui para ver todas las fotos del dia de la comida de la Gazte Peña

Zuek ere argazkiak baldin badituzue bidaliguzu email bat iruindarrok@gmail.com -era eta blogan sartuko ditugu

Gora Iruñea tabernan Txapelpunk!

3indarrok — Mon, 13 Jul 2009 12:40:56 +0000

Kontzertuko bideo gehiago ikusteko sakatu hemen!

Batukadarekin Nabarreriatik Germanen monolitoraino

3indarrok — Mon, 13 Jul 2009 12:35:04 +0000

Batukadaren bideo gehiago ikusteko sakatu hemen!

Prest gaude sanferminetarako!

3indarrok — Thu, 02 Jul 2009 12:43:53 +0000

Aurtengoan berriz ere Iruñeko jaiak gainean ditugu. Berriz ere, iruindarrok gure hiriaz gozatu eta ongi pasatzeko, dantzatzeko, barre egiteko, aldarrikatzeko eta bertze hamaika gauza egiteko parada izanen dugu 9 egunetan zehar. Herritarrok prest gaude iada! Azkenan iritsi da gure momentua.

Hala ere, azkeneko hamarkadan Udaletxeak hiri honen eta herritarron kontra burututako trikimailuak eta joko zikinak ez dira makalak. UPNren gobernuak (PSNren tartezko laguntzaz) herritarrak ito eta diruzale, empresari eta yankiendako jai eredua bultzatzen saiatu da. Bidelagun ugari izan ditu afera honetan Yolanda Barcina alkateak; Ezin alde batera utzi kukuxumusu makro empresak bere lehen astapenetatik denon jaia den honetatik negozioa egin izana, jaien benetazko argazkiaren desitsuraketa plazaratzen. Desfase hutsaren irudia saldu nahi izan du marrazki enpresak. (adibide franko dago faktoria honen inguruan: kalimotxo de mama, Argazki erotikoen lehiketa, edo azkenekoa herri honekin zer ikusia ez duen tomatina jaiaren berprodukzio bat ekartzeko apustua besteak beste). Honi lagunduta udaletxeak, Sanferminetaz saldutako irudi español, zezen, feria, sangria eta OLÉ zalea. Estatu Espaniarreko feriaekin alderatuz eta parekatuz. Gainontzeko herrietako kultura eta ohiturak erabat errespetatzen baditugu ere ez da hemengo eredua.

Empresa pribatuen esku utzita daude Sanferminak. Bertako zein kanpoko enpresek, batez ere kanpokoek, herritarrok baino eskubide gehio dituzte egun. Herritarroi hamaika dira urte osoan zehar debekatu eta imposatzen zaizkigun gauzak; baita exigitzen zaizkigunak ere. Enpresak bitartean ordea non nahi, noiz nahi eta nola nahi ibil daitezke. Heritarrok haien beharretara prest egon behar dugu gainera. (Gogora ekarri Cuatro telebista kateak iaz egindako despliegea, Alde Zaharreko bizilagunen egunerokoa etengabe oztopatuz).

Honen arira, gogor salatu nahi dugu GoraIruña herri plataformari jaietan espazio bat izateko ukapena; UPNren despotismoaren seinale hutsa. Honekin batera, erabat kritikagarriak dira udaletxearen beste hamaika jarrera herritarron eta herri mugimenduon eskarien aitzinean. Bat aipatzearren: ezagunak eta larriak dira azkeen urteetan Jaietan emandako emakumeen aurka hamaika eraso. Udaletxea mutu geratu bai eta ez du inolako neurririk hartu gainera. Berriz ere herritaron esfortzu eta lanaz erasoak salatzeko telefono bat jarri da. Hala ere, argiztatu gabeko gune eta txoko arriskutsuen egokitzapen eta argiztatzean lana handia dago oraindik, Udaletxearen etengabeko bizkarra jaso baita. Honen aitzinean, herritarroi deia luzatzen diegu mota guzietako erasoei aurre egiteko.

Gero eta globalizatuago nahi duten hiri-eskualde eredu honetan, herritarrok 9 egunez benetako hiria plazaratzeko prest gaude. Honi jarraiki, aspaldian ikasi genuen gazteok guk geure espazioa eta beharrak asetzen eta auto-antolatzen. Bosgarren urtea da iada 3Indarrok Gazte Peña sortu genuela. Herri jaien aldeko bidea ireki genuen eta hamaika izan dira burututakoak urte guzti hauetan. Aurten ere zalantzarik gabe bost urteak ospatu eta Udaletxeari zirrikitua irekitzen jarraituko dugu. Ozpina botako diegu begietara eta gatza irekitako zaurietan; herritarron jaiak lortu bitartean. Sanferminetan berriz ere, autogestioan, euskaran eta euskal kulturan, okupazioan, sexu askatasunean, feminismoa, elkartasunean,… oinarritutako irrintzia presente egonen da. 3indarrok Gazte Peña presente egonen da.

Honetarako egitaraua iada prest dugu eta gurekin bat egiteko gonbidatzen zaituztegu!

Iruindarrok Gazte Peñaren bideo muntaia

3indarrok — Tue, 30 Jun 2009 23:16:46 +0000

Aupa, hona hemen peñakide batek 2006an egindako bideomuntai bat Gazte Peñaren abestiarekin, zuek ere holakoak egiten baldin badakizue idatziguzu email bat!

SF09-ko kartela!

3indarrok — Tue, 30 Jun 2009 15:43:26 +0000

Sanferminak 2009: egitaraua

3indarrok — Tue, 30 Jun 2009 15:41:36 +0000

Azkenean hemen dago 2009ko sanferminetarako 3indarrok gazte peñak prestatutako egitaraua!!

Uztailak 7:

16:30 kontzentraani antitaurinoa ArrosaBeltzekoekin
19:00 Elektrotxaranga Nabarreriatik
23:00 KONTZERTUAK “Gora Iruñea” tabernan

Uztailak 8:

18:30 Batukada Nabarreriatik Germanenean monolitoraino.

Uztailak 9:

Gora Iruñea eguna

Uztailak 10:

22:00 3indaRock Maratoia!!

Uztailak 11: Gazte eguna
GAZTE PEÑA EGUNA:

11:00 Dianak?? (Kaxkagorriei harrera egiteko)
12:00 Jokuak (kaxkagorrien eskutik) San Frantzisko
14:00 Bazkari Herrikoia Deskaltzos kalean
Aurretik 10€, bertan 15€
16:00 Zozketa + Urrezko zapia
18:30 Elektrotxaranga
23:00 Guachupe + .The Gambas Gora iruñea tabernan

Uztailak 12:

kontzertuak Gora iruñea tabernan RPV + Obejas Negras

Uztailak 13: argaren jeitsiera

13:30 Parrillada + txalupak prestatu
16:00 Uretara!!
18:00 Uretatik atera + merienda
19:00 elektrotxaranga Soinu AntiSistema!! nabarreriatik

Egin zaitez peñakide!

3indarrok — Tue, 30 Jun 2009 15:24:43 +0000

Dagoeneko 400 peñakide gara 3indarrok gazte peña osatzen dugunak eta zu zeu ere peñakide izan zaitezke! Horretarako bidaliguzu e-posta bat iruindarrok@gmail.com helbidera zure izen-abizenekin eta zein auzo edo herritakoa zaren esanez, eta zurekin harremanetan jarriko gara. Gazte peñako zapia erosi eta listo!

Elektrotxarangak badu myspace

3indarrok — Tue, 30 Jun 2009 15:17:24 +0000

klikatu ikusteko: myspace.com/elektrotxaranga

Elektrotxaranga Hatortxu Rock 10.ean

3indarrok — Tue, 30 Jun 2009 15:08:23 +0000